بەگوێرەی لێدوانی ناوەندی ڕاگەیاندنی دەم پارتی، ئەندامانی شاندی ئیمراڵی کە لە پەروین بوڵدان و میتحات سانجار پێکدێت دوا نیوه‌ڕۆ ئەمڕۆ لەگەڵ ڕەجەب تایپ ئەردۆغان، سەرۆککۆماری تورکیا کۆدەبێتەوە.
لە کاتی دەستپێکردنی پڕۆسەی ئاشتییەوە ئەمە چوارەمین کۆبوونەوەی نێوان شاندی دەم پارتی و ئەردۆغانە.
دوابەدوای راگەیاندنەکەی نومان کورتولموش، سەرۆکی پەرلەمان کە ئاماژەی بە تەواوبوونی ڕەشنووسی ڕاپۆرتی کۆمیسیۆن کردبوو ڕاگەیەندرا کە بڕیارە شاندی ئیمراڵی و ئەردۆغان کۆببنەوە.
تائێستا هیچ زانیارییەک له‌باره‌ی بە ناوەڕۆکی کۆبونەوەکه‌ی شاندی ئیمراڵی و ئەردۆغان نەخراوەتەڕوو.
ئەمڕۆ شاندی ئیمراڵی و ئەردۆغان کۆدەبنەوە
