فەرماندەیی ناوەندیی ئەمریکا (سێنتکۆم) دەستپێکردنی قۆناغێکی نوێی هێرشە سەربازییەکانی بۆ سەر ئێران ڕاگەیاند و دەڵێت هێرشەکان بە ئامانجی پاراستنی ئازادیی کەشتیوانیە لە گەرووی هورمز.
( سێنتکۆم ) دەڵیت لەسەر فەرمانی سەرۆکی ئەمریکا دۆناڵد ترەمپ دەستپێکردنی قۆناغێکی نوێی لە هێرشە ئاسمانی و سەربازییەکانمان بۆ سەر ئێران دەستپێکرد.
بەپێی ڕاگەیەندراوی سێنتکۆم، ئامانج لەم هێرشە زەمینگیرییە نوێیانە، لاوازکردن و لەناوبردنی زیاتری تواناکانی تارانە لە هەڕەشەکردن سەر ئازادیی کەشتیوانی لە گەرووی هورمزدا.
هاوکات دۆناڵد ترەمپ، سەرۆکی ئەمریکا لە پەیامێکی تونددا ڕایگەیاند: "ئەم هێرشانە وەک تۆڵەسەندنەوە و وەڵامدانەوەیەکە بۆ بۆردومانەکەی دوێنێی کەشتییەکان لە لایەن ئێرانەوە." ترەمپ هۆشدارییەکی توندی ئاراستەی تاران کرد و وتی: "ئەگەر ئەمە دووبارە ببێتەوە، دۆخەکە زۆر خراپتر دەبێت!"
ئەمریکا جەختی کردووەتەوە کە تاران بە تەواوی بەرپرسیارە لە بەرامبەر ئەو " هێرشە دەستدرێژیکارانە و ناڕەوایانەی" ئەمدواییە کە کەشتییە بازرگانییەکان و ستافە مەدەنییەکانی کردووەتە ئامانج، کە بە شێوەیەکی ئازاد لەم ڕێڕەوە ئاوییە نێودەوڵەتییەدا گەشت دەکەن.