بەرهەم ساڵح، کۆمسیاری باڵای نەتەوە یەکگرتووەکان بۆ پەنابەران، لە نووسینگەی سەرەکیی ڕێکخراوەکە ڕایگەیاند، ئاوارەبوونی زۆرەملێ ڕاستییەکی جەوهەریی دۆخی جیهان دەردەخات، ئەویش ئەوەیە کە ئاست و ڕێژەی ئاوارەبوون بە شێوەیەکی زۆر خێراتر لە دۆزینەوەی چارەسەرەکان هەنگاو دەنێت.
لە گوتارێکدا لە ئەنجوومەنی ئاسایشی نەتەوە یەکگرتووەکان سەبارەت بە دۆخی جیهانیی ئاوارەبوونی زۆرەملێ و پەنابەران، بەرهەم ساڵح ئاماژەی بەوە کرد، زیاتر لە 117 ملیۆن کەس لە سەرانسەری جیهاندا بەهۆی ململانێ، توندوتیژی و هەڕەشە بەردەوامەکانی سەر ژیانیان، ناچار بوون ماڵ و حاڵی خۆیان جێبهێڵن.
کۆمسیاری باڵای پەنابەران جەختی لەوە کردەوە، ئەم پرسە تەنیا ئاڵنگارییەکی مرۆیی نییە، بەڵکو لە بنەڕەتدا ئاڵنگارییەکی ڕاستەوخۆ و جدییە، کە پەیوەندی بە ئاشتی و ئاسایشی نێودەوڵەتییەوە هەیە.
کۆمسیۆنی باڵای پەنابەرانی نەتەوە یەکگرتووەکان: ئاشتی تاکە چارەسەری بەردەوامە بۆ ئاوارەبوونی زۆرەملێ
