جوڵانەوەی نەوەی نوێ رایگەیاند، کاتژمێر 07:30ی ئێوارەی ئەمڕۆ چوارشەممە، شاسوار عەبدولواحید لە کۆنگرەیەکی رۆژنامەوانیدا "بڕیارێکی گرنگ" رادەگەیەنێت و دەڵێت: "چاوەڕوانی بومەلەرزەیەکی سیاسی بن."
چاوەڕوان دەکرێت سەرۆکی جوڵانەوەی نەوەی نوێ لەو کۆنگرە رۆژنامەوانییەدا، تیشک بخاتە سەر پرسی هاوپەیمانییەکەیان لەگەڵ یەکێتیی نیشتمانیی کوردستان و شێوازی بەشدارییکردنیان لە دانوستاندنی پێکهێنانی کابینەی نوێی حکومەتی هەرێمی کوردستان.
ئەمە لەکاتێکدایە پێشتر نووچە تیڤی لە زاری سەرچاوەیەکی ئاگادارەوە بڵاویکردبووەوە کە یەکێتی و نەوەی نوێ، بە رێککەوتنێکی پێشوەختە و بە هاوسەنگییەکی دیاریکراو (نزیکەی 39 بە 39 لە پۆست و شایستەکاندا)، وەک یەک بەرەی هاوبەش بەشداریی دانوستاندنەکان لەگەڵ پارتی دیموکراتی کوردستان و لایەنەکانی دیکەدا بکەن؛
بڕیارەکەی ئێوارەی ئەمڕۆی شاسوار عەبدولواحید یەکلاکەرەوە دەبێت کە ئایا نەوەی نوێ دەچێتە بەرەی ئۆپۆزسیۆن یان راستەوخۆ دەبێتە هاوبەشی پێکهێنانی حکومەت.