کارکردن بۆ ئامادەکردنی لیستی مووچەی مانگی ئەیلولی (مانگی 9) فەرمانبەران و مووچەخۆرانی هەرێمی کوردستان بەردەوامە و سەرچاوەیەک لە وەزارەتی دارایی و ئابووریی هەرێمی کوردستان لە 21ی ئەیلوولی 2026دا ڕایگەیاند، بە ئەگەرێکی زۆرەوە هەفتەی داهاتوو کارەکانی تەواو دەبێت و ئاراستەی بەغدا دەکرێت.
سەرچاوەکەی وەزارەتی دارایی ئاماژەی بەوەش کرد، وەک مانگەکانی رابردوو، دوای کۆتاییهاتنی ئامادەکارییەکان، لیستەکە لەلایەن شاندێکی تەکنیکیی وەزارەتەوە بۆ تەرازووی پێداچوونەوەی مانگی ئاب (مانگی 8) دەبرێتە وەزارەتی داراییی عێراق.
شایەنی باسە لە 14ی ئەیلولدا وەزارەتی دارایی لیستی موچەی مانگی ئابی ڕاگەیاند و پرۆسەی دابەشکردنی لە 15ی ئەیلولەوە دەستی پێکرد، تاوەکو لە 19ی ئەیلولدا دابەشکردنی موچەی سەرجەم وەزارەت و دامەزراوەکان بە تەواوەتی کۆتایی هات.
لیستی موچەی مانگی ئەیلولی مووچەخۆرانی هەرێمی کوردستان هەفتەی داهاتوو ڕەوانەی بەغدا دەکرێت
