بانکی ناوەندیی عێراق لە ڕاگەیێندراوێکدا سەرجەم ئەو دەنگۆیانەی ڕەت کردەوە کە باس لە چاپکردنی پارەی نوێ و لابردنی سفرەکان لە دراوی عێراقی دەکەن و جەختی لەوە کردەوە کە هیچ بڕیارێکی فەرمی لەو بارەیەوە نەدراوە و پرۆژەی لەو شێوەیە پێویستی بە ڕێکاری یاسایی و تەکنیکی هەیە.
بانکەکە دڵنیایی بە هاووڵاتییان دا کە لە کاتی گۆڕانکاری و گۆڕینی پارەدا، پێشوەختە بە فەرمی ڕادەگەیەنرێت و کاتی پێویست بۆ گۆڕینەوەیان دابین دەکرێت.
داواش لە هاووڵاتییان دەکات پشت بە سەرچاوە فەرمییەکان ببەستن و باوەڕ بە هەواڵی ناڕاست نەکەن کە زیان بە دارایی خەڵک دەگەیەنێت.