دەسەڵاتدارانی عەرەبستانی سعودیە ئاشکرایان کرد، توانیویانە نزیکەی 110 ملیۆن تۆن مادەی خاوی یۆرانیۆم لە نزیک شاری مەدینە بدۆزنەوە.
عەبدولعەزیز بن سەلمان ئال سعود، وەزیری وزەی سعودیە لە میانەی بەشدارییکردنی لە کۆنفرانسی گشتیی ئاژانسی نێودەوڵەتیی وزەی ئەتۆمی (IAEA) لە ڤییەننا، ئەم دەستکەوتەی کەرتی وزەی وڵاتەکەی ڕاگەیاند، کە دەنگدانەوەی بەربووتی لە میدیا ناوخۆیی و جیهانییەکاندا لێکەوتووەتەوە.
دوابەدوای ڕاگەیاندنی دۆزینەوە ئەو بڕە زۆرەی یۆرانیوم لە سعودیە، وەزیری وزەی ئەمریکا ئاماژەی بەوە کرد، تاوەکو ئێستا هیچ بەرنامە و پلانێک بۆ پیتاندنی یۆرانیۆم لە ناوخۆی خاکی عەرەبستانی سعودیەدا لە ئارادا نییە.
110 ملیۆن تۆن یۆرانیۆم لە سعودیە دۆزرایەوە
