نوسینگەی پەروین فاتیح حەمید، ئەندامی ئەنجومەنی پارێزگای کەرکوک ڕایگەیاند، ئەمڕۆ گۆڕانکاریی لە لیژنەکانی ئەنجومەنەکەدا کراوە.
بە گوێرەی ڕاگەیەندراوەکە، ئەندامانی فراکسیۆنی تورکمانی بە فەرمیی بە سەر لیژنە جیاوازەکاندا دابەشکراون.
ئاماژە بەوەش کراوە، ئەم هەنگاوە بە مەبەستی بەهێزکردنی نوێنەرایەتی پێکهاتەکان و کاراکردنی ڕۆڵی لیژنەکانە بۆ ئەوەی بتوانن بە باشترین شێوە خزمەت بە شاری کەرکوک بکەن.
