سەرۆکی پەرلەمانی تورکیا ڕایگەیاند، ڕۆژهەڵاتی ناوەڕاست بە بارودۆخێکی قورسدا تێدەپەڕێت، وەکو تورکیا جگە لە پاراستنی یەکڕیزی، یەکگرتن و برایەتی لە ئاستی ناوخۆدا هیچ چانسێکی ترمان بۆ نەماوەتەوە.
به گوێره‌ی هه‌واڵێكی ئاژانسی ئه‌نادۆڵو نوعمان کورتولموش سەرۆکی پەرلەمانی تورکیا ئاماژەی بەوەکردووه، دوژمن ماوەی سەد ساڵە سیناریۆی دابەشکردنی خاک و گەلی تورکیا دادەڕێژێت، ئەرکی سەر شانی ئه‌وانیش پاراستنی یەکپارچەیی خاک و گەل نەتەوەکەیانە.
دەشڵێت، هەندێک لایەن نەتانیاهو هاندەدەن بۆ جەنگ، پێی دەڵێن: تۆ داودی دووەمی، پاشایەتی داودت بۆ دروستدەکەین، به‌ڵام نەتانیاهو، نەک هەر نابێتە داودی دووەم، بەڵکو هیتلەری دووەمی لێدەرده‌چێت.
گوتیشی، بەهۆی پڕۆسەی چارەسەرییەوە، تورکیا هەنگاوی باشی لە دیموکراتیکبوونی وڵاتەکەدا ناوە.