ڕۆژنامەی فاینانشیاڵ تایمز بڵاویکردەوە، سەرەڕای فشار و سزاکانی ئەمریکا، بەڵام ڕووسیا دەستیکردووە بە دابینکردنی وزە بۆ کوبا و لەوچوارچێوەشدا کەشتیەک کە بڕێکى زۆر نەوت و غازى هەڵگرتووە لە ڕووسیاوە بەڕێکەوتووە بەرەو کوبا.
دەشڵێن، ئەم هەنگاوە لە کاتێکدایە، کە قەیرانێکی سەختی وزە لە کوبادا هەیە، چونکە بەم دواییانە ڕووبەڕووى بڕانى کارەبای سەرتاسەری بوەوە و ئەوەش بەهۆى ئەوەى چەند مانگێگە لە ڤەنزوێلاوە نەوتیان پێنەگەشتووە.
باس لەوەشکراوە، پێشبینی دەکرێت زیادبوونی دابینکردنی وزە یارمەتیدەر بێت بۆ چارەسەرکردنى دۆخى نەخۆشخانە و گواستنەوە گشتیەکان کە بەهۆى نەبوونى سوتەمەنى پەکیان کەوتووە.