ڕوانگەی مافی مرۆڤی عێراق ڕایگەیاند، لە دەستپێکی جەنگی ئەمریکا و ئیسرائیل دژی ئێران، زیاتر لە 85 ناوچە لە عێراق بە ئامانجگیراوە، بەهۆیەوە 62 کەس کوژراون و 110 کەسیش بریندار بوون.
لە ڕاگەیەنراوێکدا ڕوانگەی مافی مرۆڤی عێراق ئاشکرایکرد، لە ڕۆژی 28ـی مانگی ڕابردووەوە، زیاتر لە 85 ناوچەی جیا جیا لە عێراق بە ئامانجگیراوە و بەهۆیەوە، لانیکەم 62 کەس کوژراون و 110 کەسیش بریندار بوون.
ڕوانگەکە دەڵێت، پارێزگای ئەنبار زۆرترین هێرشیکراوەتەسەر و 19 جار بە ئامانجگیراوە، بەهۆیەوە 31 کوژراو و 20 برینداری لێکەوتووەتەوە، چوار جار شاری بەغدادیش بە ئامانجگیراوە و 11 کوژراو و 11 برینداری لێکەوتووەتەوە.
ڕوانگەی مافی مرۆڤی عێراق هۆشداریی دەدات لە بە ئامانجگرتنی ناوچە قەرەباڵغ و مەدەنیشیینەکان، چونکە زۆرترین قوربانیی بێ تاوانی لێدەکەوێتەوە
ڕوانگەکە، داوای هەوڵی جدیی کۆمەڵگەی نێودەوڵەتیی و لایەنە پەیوەندیدارەکانی عێراق دەکات، بۆ ئەوەی هێرشەکان ڕابگیرێن کە بە پێشێلکاریی سەروەریی عێراق و یاسا نێودەوڵەتییەکان دادەنرێن.