ئەمڕۆ دووشه‌ممه چوارچێوەی هەماهەنگی بەبێ مالیکی کۆدەبێتەوە و چوار سەرکردەی هاوپەیمانییەتییەکەش له هه‌وڵی دانانی کەسێکی دیکەن بۆ جێگرەوەی.
بەشێک لە میدیا عێراقی و عەرەبییەکان بڵاویانکردەوە، ئەمڕۆ چوارچێوەی هەماهەنگی لەماڵی هومام حەمودی سەرۆکی ئەنجوومەنی باڵای ئیسلامی عیراق کۆدەبنەوە، نوری مالیکیش بەشداریی کۆبوونەوەکە ناکات.
بەپێی ئاماژە و زانیارییە بڵاوکراوەکانی میدیا عێراقییەکان، هەریەکە لە محەممەد شیاع سودانی و عەمار حەکیم و هادی عامری و قەیس حەزعەلی، پێکەوە هەوڵدەدەن کەسێکی دیکە بۆ شوێنگرەوەی مالیکی کاندید بکەن.
ئەوەش لە کاتێکدایە خودی مالیکی و دەوڵەتی یاسا ڕایانگەیاندوە، تا ئێستا مالیکی کاندیدی چوارچێوەی هەماهەنگییە و دەنگۆکانی کشانەوەی ناڕاستن.
داواكاری كشانه‌وه‌ی مالیكی له‌سه‌ر داوای ئه‌مریكا و دۆناڵد تره‌مپه، هۆشداری توندیان داوه‌ته به‌رپرسانی عێراق ئه‌گه‌ر مالیكی ببێته‌وه به سه‌رۆكوه‌زیران سزای قورس به‌سه‌‌ر عێراقدا ده‌سه‌پێنن.