ئەمڕۆ 38 ساڵ بەسەر کارەساتی ئەنفالی کۆیەدا تێپەڕ دەبێت و زانکۆی شارەکەش بە نمایشی بەڵگە فیلم ساڵیادەکەى بەرز ڕاگرت.
محەممەد سەیدگوڵ بەرپرسی ڕاگەیاندنی زانکۆی کۆیە بە نوچە تی ڤى ڕاگەیاند: لە چوارچێوەی ستراتیژیەتى زانکۆکەمان و بە هەماهەنگی لەگەڵ بەڕێوەبەرایەتی شەهیدان و ئەنفالکراوانی ناوچەکەمان، چەندین چالاکیمان ئەنجامدا لەنێویاندا نمایشکردنی سی بەڵگە فیلم.
گوتیشى، دوو لە فلیمەکان کارى دەرهێنانی لەلایەن محەممەد سەیدەوە ئەنجامدرابوون و یەکێکی دیکەشیان بەرهەمی ڕاگرایەتی سەنتەرەکانی توێژینەوە و پەرەپێدانی زانکۆکەمانە و بە زیرەکیی دەستکرد چیرۆکى ڕزگاربوویەکی کیمیابارانی گۆپتەپە دەگێرێتەوە.
دەشڵێت، ئامانج لە بەکارهێنانی زیرەکیی دەستکرد بۆ گەیاندنی خەم و ئازارەکانی کۆمەڵگە و تاقانە ڕزگاربووەکانە لەڕێگەی تەکنەلۆژیا بۆ بە دۆکیۆمینتکردن و ناساندنیان بە جیهان.
