ڕێژەی خۆکوشتن لە عێراق بە شێوەیەکی بەرچاو ڕووی لە زیادبوون کردووە و بەرپرسانی ئەمنی و تەندروستی هۆشداریدەدەن لە بەرزبوونەوەی ژمارەی قوربانییان.
بەگوێرەی ئامارە فەرمییەکانی وەزارەتی ناوخۆی عێراق، تەنیا لە شەش مانگی یەکەمی ئەمساڵدا ٦١٧ کەس لە تەواوی پارێزگاکانی وڵاتدا کۆتاییان بە ژیانی خۆیان هێناوە، کە بەشێکی زۆر و بەرچاویان لە توێژی گەنجانن.
شارەزایانی کۆمەڵایەتی و پزیشکانی دەروونی جەخت دەکەنەوە کە بەردەوامیی ئاستەنگە ئابووری و کۆمەڵایەتییەکان هۆکاری سەرەکیی تێکچوونی باری دەروونیی گەنجان و پەنابردنیانە بۆ خۆکوشتن.
\