بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینییەکانی بۆ ڕەوشی کەشوهەوای 48 کاتژمێری داهاتوو بڵاوکردەوە و ڕایگەیاند، لە ناوچە شاخاوییەکانی هەریەک لە دهۆک، سۆران و زاخۆ ئاسمان بۆ نیمچە هەور دەگۆڕێت و ئەگەری بارینی تاوە بارانێکی کەم هەیە.
کەشناسی ئاماژەی بەوە کردووە کە لە دوای نیوەڕۆی ئەمڕۆوە خێرایی با چالاک دەبێت و لە هەندێک ناوچەدا دەگاتە زیاتر لە 30 کیلۆمەتر لە کاتژمێرێکدا.
هاوکات پێشبینی دەکرێت پلەکانی گەرما لەمڕۆ و سبەینێدا بە ڕێژەی 1 بۆ 3 پلەی سیلیزی بەرز ببنەوە.
بەگوێرەی پێشبینییەکانی کەشناسیش، ناوچەی گەرمیان بە تۆمارکردنی 43 پلەی سیلیزی گەرمترین ناوچە دەبێت و لە بەرامبەردا حاجی ئۆمەران بە 25 پلەی سیلیزی وەک فێنکترین ناوچەی هەرێمی کوردستان دەمێنێتەوە.