نێردەی یەکێتیی ئەوروپا لە عێراق ڕایگەیاند، هێرشکراوەتە سەر بارەگاکەیان لە دهۆک، بێ ئەوەی هیچ زیانێکی گیانی لێبکەوێتەوە.
نوێنەرایەتی یەکێتیی ئەوروپا، لە ڕاگەیەنراوێکدا دەڵێت، دوێنێ هێرشکراوەتە سەر بارەگای یەکێتییەکەیان لە پارێزگای دهۆک، بەڵام هیچ زیانێکی گیانی و مادی لێنەکەوتووەتەوە.
دەشڵێت، هێرشەکە بەتوندی شەرمەزار دەکەن و ئەم هێرشانە قبوڵ نەکراون، پێویستە بە زووترین کات بکەرانی سزابدرێن.
لە ڕاگەیەنراوەکەدا هاتووە، هێرشکردنە سەر دامەزراوە و کەسایەتییە فەرمییەکانی عێراق و هەرێمی کوردستان و نوێنەرە دیپلۆماتییەکان تاوانی دەستدرێژییە و پێویستە سەروەری خاکی عێراق بپارێزرێت.