سەرۆکی سەندیکای کرێکارانی بیناسازی سلێمانی دەڵێت، دوێنێ یه‌كشه‌ممه بەهۆی نەبوونی مەرجی سەلامەتی لە سلێمانی کرێکارێک گیانی لەدەستدا .
ئەمڕۆ دووشەممە عوسمان زیندانی لە کۆنگرەیەکی ڕۆژنامەوانیدا رایگەیاند، لە یەکێک لە پڕۆژەکانی سلێمانی کرێکارێکی تەمەن 21 ساڵان لەکاتی کارکردندا گیانی لەدەستدا.
گوتیشی، یەکێک لە سەرپێچییەکان ئه‌وه‌یه کرێکارەکە لە کاتژمێر 12 کەوتووەتەخوارەوە، به‌ڵام کاتژمێر سێی پاشنیوەڕۆ پێی زانراوە کەوتووەتەخوارەوە، لەگەڵ ئەوەشدا نەبوونی مەرجی سەلامەتی و کەمتەرخەمی کۆمپانیاکە یەکێکی دیکەیە لە سەرپێچیەکان.