بەرەبەیانیی ئەمڕۆ هەینی، فێرگەی ئەفسەریی ئیمام عەلی، لە تاران لەلایەن ئیسرائیل و ئەمریکاوە کرایە ئامانج.
فێرگەی ئەفسەریی ئیمام عەلی كه به زانکۆی سەربازیی ئەرتەشی کۆماری ئیسلامیی ئێران ناسراوه، باڵه‌خانه‌كه‌ی به ئامانج گیراوه، بەڵام تاوەکو ئێستا ئێران هەواڵی به ئامانجگرتنه‌كه‌ی پشتڕاست نەکردووەتەوە.
فێرگەی ئەفسەریی ئیمام عەلی، ساڵی 1922 لە لایەن رەزا شای پەهلەوی بونیادنراوە و دواتر خامنەیی 38 جار لە رێوڕەسمی دەرچووانی ئەفسەرانی ئەم زانکۆیەدا بەشداریی کردووە.
له ساڵانی ڕابردودا ئایەتوڵڵا خامنەیی، گرنگترین گوتارە نیشتمانی و نەتەوەییەکانی لەبەردەم خوێندکاران و دەرچووانی زانکۆکەدا خوێندووەتەوە.