وەزارەتی نەوتی عێراق ڕایگەیاند، هەرکات هەرێمى کوردستان داوایان لێ بکات، ئامادەن بەرهەمە نەوتییەکان و غازى ماڵانیان بۆ دابین بکەن.
عەبدولساحب حەسناوی گوتەبێژی وەزارەتی نەوتی عێراق لە کۆنفڕانسێکی ڕۆژنامەوانیدا گوتی، وەزارەتى نەوتى عێراق کەمتەرخەم نابێت لە ڕەوانەکردنى غاز و بەرهەمە نەوتییەکان بۆ هەرێمی کوردستان.
باسی لەوەشکرد، ئامادەن غاز بۆ هەرێمى کوردستان دابین بکەن ئەگەر بە فەرمى داوایان لێ بکەن.
حەسناوی ئاماژەی بەوەشکرد، کەمتەرخەم نابن بۆ دابینکردنى غاز و بەرهەمە نەوتییەکان بۆ هاوڵاتیانى هەرێمى کوردستان، ئەوەش دەکەوێتە سەر ڕێککەوتنی نێوان وەزارەتى سامانە سروشتییەکانی هەرێمی کوردستان و وەزارەتى نەوتی عێراق.