ئه‌مڕۆ له ناو سەنتەری شاری كه‌ركوك هێرشكرایه سه‌ر فه‌لاح یایچی، قایمقامی ناوه‌ندی كه‌ركوك و به سه‌ختی برینداركرا.
سه‌رچاوه‌یه‌ك لە ئیداره‌ی كه‌ركوك بە نوچه تیڤی ڕاگه‌یاند، له كاتی ئه‌ركی فه‌رمیی و لابردنی زیاده‌ڕۆیی له لایه‌ن لیژنه‌كانی قایمقامییه‌ته‌وه، چه‌ند كه‌سێك هێرشیانكردووه‌ته سه‌ر فه‌لاح یایچی، قایمقامی ناوه‌ندی كه‌ركوك و به‌سه‌ختی برینداریان كردووه.
سه‌رچاوه‌کەی نوچه تیڤی گوتیشی، ده‌ستبه‌جێ تیمه‌كانی فریاكه‌وتن گه‌یشتوونه‌ته شوێنی ڕووداوه‌كه و ناوبراویان گواستووه‌ته‌وه بۆ نه‌خۆشخانه‌ی ئازادی شارەکە.