ئیبراهیم زولفەقاری، گوتەبێژی بارەگای ناوەندیی خاتەمولئەنبیا ڕایگەیاند، هێزە چەکدارەکانی ئێران لە ئامادەباشییەکی سەد لە سەددان و دەستیان لەسەر پەلەپیتکەیە بۆ وەڵامدانەوەی هەر جۆرە هەڕەشەیەک.
زولفەقاری ئاماژەی بەوەکردووە، هێزەکانیان ماوەیەکی درێژە ئامادەکارییان کردووە لە ئەگەر هەر هێرشێک بۆ سەر خاکی ئێران، دەستبەجێ و بە توندی پەلاماری ئامانجە دیاریکراوەکان دەدەنەوە.
هەروەها، هۆشداریشیداوە بە ئەمریکا و ئیسرائیل لە ئەگەری هەر هەڵەیەکی سەربازی، وانەیەکی وایان پێ دەدەن کە زۆر سەختتر بێت لە ئەزموونەکانی ڕابردوو و ببێتە پەند بۆیان.