قایمقامیەتی هەڵەبجە ڕایگەیاند، سبەی دابەشکردنی غازی ماڵان بەردەوامیی دەبێت و هەر ماڵێک یەک بتڵی غازی پێدەدرێت.
قایمقامیەتی قەزای مەڵبەندی هەڵەبجە لە ڕاگەیەنراوێکدا دەڵێت، سبەی 19ـی نیسانی 2026، کاتژمێر 8ـی سەرلەبەیانی غازی ماڵان دابەشدەکرێت، هەرهاوڵاتیەکیش تا کاتژمێر 11 ئامادە نەبێت ئەوا مافی وەرگرتنی دەفەوتێت.
قایمقامیەت داوایەک ئاڕاستەی هاوڵاتیان دەکات و دەڵیت، بە هیچ شێوەیەک سەردانی کارگەکان نەکەن، چونکە لەوێ بتڵی غاز بە هیچ کەسێک نادرێت.