باره‌گای خاته‌مولئه‌نبیا ڕایگەیاند، ئەمریکا و ئیسرائیل هیچ شتێک لەسەر توانا سەربازییەکانیان نازانن و زانیارییەکانیان دەربارەی چەک و تەقەمەنییەکانی ئه‌وان نا تەواون.
باره‌گای خاته‌مولئه‌نبیا لە ڕاگەیەندراوێکدا ئاماژه‌ی به‌وه‌كردووه، ئەمریکا و ئیسرائیل نابێت هیوایان بەوە هەبێت کە بنکە موشەکی و ناوەندە سەربازی و تەقەمەنییەکانی وڵاتەکەمانیان بە ئامانجگرتووە، لە داهاتوودا دەبینن کەوتوونەتە ناو چی گێژاوێکه‌وه و ده‌بێت چاوه‌ڕێی گورزی توندتر بكه‌ن.
ئاماژەی بەوەشکردووە، ئەو شوێنانەی بە ئامانجگیراون چه‌ك و ته‌قه‌مه‌نی زۆرییان تێدا نەبووە، هەندێک شوێن و بنکەیان هەیە کە ئه‌وان هیچ زانیاریییەکیان له باره‌یه‌وه نییه.
گوتیشی، ئەو زەبرانەی تا ئێستا بەر ئەمریکا و ئیسرائیل کەوتوون هیچی وا نەبوون و لەمەودوا شەڕەکە زۆر قورستر و بەرفراوانتر دەبێت.