تۆلای هاتیمۆغوڵاری، هاوسەرۆکی پارتی دیموکراتی گەلان (دەم پارتی) لە کۆبوونەوەی فراکسیۆنی پارتەکەیدا جەختم لەوە کردەوە کە پێویستە ئەنجوومەنی ئاشتی و بەسیاسیکردن بەبێ دواکەوتن بکەوێتە کار، و مەرجی پێویست بۆ ژیان و کارکردنی ئازادانەی عەبدوڵڵا ئۆجالان دابین بکرێت.
هاتیمۆغوڵاری لە وتارەکەیدا سەبارەت بە پرۆسەی ئاشتی ڕەخنەی لە دواخستنی هەنگاوە کۆنکرێتییەکان گرت و پرسیاری ئەوەی کرد کە بۆچی هێشتا بڕیارەکانی دادگای مافی مرۆڤی ئەورووپا جێبەجێ نەکراون، سەلاحەدین دەمیرتاش و فیگەن یوکسەکداغ ئازاد نەکراون، و "مافی هیوا" بۆ عەبدوڵڵا ئۆجالان جێبەجێ نەکراوە.
هاوسەرۆکی دەم پارتی ئاماژەی بەوەدا که بۆ کارکردنی کاریگەریی ئەنجوومەنی ئاشتی، دەبێت زەمینەی سیاسی، یاسایی و تەکنیکی ڕەخسێنرێت و هەلومەرجێک دابین بکرێت کە عەبدوڵڵا ئۆجالان بتوانێت بە ئازادی تێیدا بژی و کارەکانی ئەنجام بدات، هەروەها لە کاتی پێویستدا لەگەڵ لایەنەکان کۆببێتەوە.
لە بەشێکی تری وتارەکەیدا، هاتیمۆغوڵاری ڕەخنەی لە سیاسەتی دەرەوەی تورکیا گرت سەبارەت بە ناردنی هێز بۆ ناوچەکانی ململانێ، و لەبارەی قەیرانی دارایی و صندوقەکانەوە پێشنیارێکی حەوت خاڵیی خستە ڕوو کە تێیدا داوای گەڕاندنەوەی ئەو پارانەی کرد کە بۆ دەرەوەی وڵات بردراون و قەرەبووکردنەوەی تەواوی زیانلێکەوتووان.