به‌رهه‌مهێنانی كاره‌با له‌ هه‌رێمی كوردستان كه‌مده‌بێته‌وه‌

هه‌ردوو وەزارەتی سامانە سروشتییەكان و كارەبا رایده‌گه‌یه‌نن، به‌هۆی ئه‌و بارودۆخه‌ی هاتوه‌ته‌ پێش كۆمپانیای دانه‌غاز، له هەناردەکردنی گازی سروشتیی بۆ وێستگەکانی بەرهەمهێنانی کارەبا راگرت.

هه‌ردوو وه‌زاره‌ته‌كه‌ له‌ راگه‌یه‌نراوێكی هاوبه‌شیاندا ده‌ڵێن، بەهۆی ئەو بارودۆخە نائاسایی و شەڕەی لە ناوچەكەدا ڕوویداوە و لەبەر پاراستنی گیانی كارمەندانی كێڵگەی كۆرمۆر؛ كۆمپانیای داناغاز، هەناردەکردنی گازی سروشتیی بۆ وێستگەکانی بەرهەمهێنانی کارەبا راگرتووه‌ و بە هۆیەوە توانای بەرهەمهێنانی كارەبا بە بڕی 2500- 3000 مێگاوات كەم دەبێتەوە.

ده‌شڵێن، وەزارەتی كارەبا بە پشتبەستن بەو سەرچاوانەی دیكەی بەرهەمهێنانی كارەبا، هەوڵ دەدات كاریگەرییەكانی كەمبوونەوەی بەرهەمهێنانی كارەبا لەسەر هاوبەشانی كەم بكاتەوە.