• بەرپرسێکی ئەمریکی بە میدیاکانی ڕاگەیاندووە، ئەمریکا بەشداری لە هێرشەکانی ئیسرائیل بۆ سەر ئێراندا کردووە.
• بەرپرسانی ئیسرائیل: خۆمان ئامادە دەکەین بۆ ئەگەری هەڵدانی مووشەک بەرەو ئیسرائیل، وەک تۆڵەسەندنەوەیەک.
• سەرکردەکانی ئۆپۆزسیۆنی ئیسرائیل پشتیوانی لە هێرشەکانی سەر ئێران دەکەن. یایر لاپید سەرۆکی ئۆپۆزسیۆنی ئیسرائیل نووسیویەتی: لەبیرتان بێت گەلی ئیسرائیل بەهێزە، سوپای ئیسرائیل و هێزی ئاسمانی بەهێزە، بەهێزترین دەسەڵات لە جیهاندا هی ئێمەیە.
• بەرپرسێکی کۆماری ئیسلامی ئێران: وەڵامی ئێمە "وێرانکەر" دەبێت.
ئەو بەرپرسەی کۆماری ئیسلامی بە ئاژانسی ڕۆیتەرزی ڕاگەیاندووە، تاران خۆی بۆ تۆڵەسەندنەوەی هێرشەکانی ڕۆژی شەممە ئامادە دەکات و وەڵامدانەوەی ئێرانیش "وێرانکەر" دەبێت.
• پرسێکی ئەمریکی: هێرشە ئاسمانییەکان بۆ سەر ئێران بە ئامانجی لەناوبردنی دامەزراوە ئەمنییەکانە، بەرپرسێکی ئەمریکی ڕایگەیاندووە کە هێرشە ئاسمانییەکان بۆ سەر ئێران بە ئامانجی لەناوبردنی دامودەزگا ئەمنییەکانی کۆماری ئیسلامی ئێرانە.
• یەدیوت ئەحرۆنۆت: ژمارەیەکی زۆر لە فەرماندە سەربازییەکان و بەرپرسانی حکوومەتی ئێران کرانە ئامانج. ڕۆژنامەی یەدیوت ئەهرۆنۆتی ئیسرائیلی نووسیویەتی: هەر مووشەکێک کە ئاراستەی ئێران دەکرا، ناونیشانێکی دیاریکراوی لەسەر بوو.
• ئاسمانی ئێران داخرا، ئاژانسی هەواڵی تەسنیم لە زاری ماجید ئەخەوان، وتەبێژی ڕێکخراوی فڕۆکەوانی مەدەنییەوە ڕایگەیاندووە: تەواوی ئاسمانی وڵات داخراوە.
• هەواڵی پچڕانی هێڵی تەلەفۆن و پەکخستنی ئینتەرنێت لە تاران
میدیاکانی ئێران بڵاویانکردەوە، هێڵەکانی مۆبایل لە بەشێک لە ڕۆژهەڵات و ڕۆژئاوای تاران پچڕاون و پەیوەندی ئینتەرنێتیش لە هەندێک ناوچە لاواز بووە.
• سی ئێن ئێن لە زاری بەرپرسێکی ئەمریکییەوە دەڵێت: لە ئێستادا هێرشەکان لەسەر ئامانجە سەربازییەکان چڕبوونەتەوە، بەرپرسێکی ئەمریکی بە سی ئێن ئێن-ی ڕاگەیاند، لە ئێستادا هێرشەکانی ئەمریکا لەسەر ئامانجە سەربازییەکانە، بەڵام ڕەتیکردەوە وردەکاری زیاتر بخاتەڕوو، چونکە ئۆپەراسیۆنەکە بەردەوامە.
• ترەمپ هێرشەکانی ئەمریکا بۆ سەر کۆماری ئیسلامی پشتڕاست دەکاتەوە
دۆناڵد ترەمپ، سەرۆکی ئەمەریکا ڕایگەیاند، هێزە سەربازییەکانی ئەو وڵاتە ئۆپەراسیۆنێکی شەڕی گەورەیان دژی ئێران دەستپێکردووە.