ڕۆژنامەی واشنتۆن پۆست بڵاویکردەوە، وەزارەتی بەرگری ئەمریکا -پنتاگۆن سەرقاڵى داڕشتنی پلانێکی وردە بۆ ئەنجامدانی هێرشى زەمینیی بەرفراوان بۆ سەر ئێران.
دەشڵێن، بڕیارە هێرشەکە لەلایەن هێزەکانی کۆماندۆ و وشکانییەوە جێبەجێ بکرێت و بەرپرسانى وەزارەتەکەش پێشبینی دەکەن گەیشتن بە ئامانجەکان هەفتەیەک تا دوو مانگ بخایەنێت.
ئەوەش لەکاتێکدایە، فەرماندەیی ناوەندیی هێزەکانی ئەمریکا ڕایگەیاندووە، کە هەزاران سەربازی مارێنز و زیاتر لە ٢٠ کەشتیی جەنگی گەیشتوونەتە ڕۆژهەڵاتى ناوەڕاست.