Hêzên Rûsyayê îro bi dronan navendeke bazirganiyê ya li bajarê Kryvyi Rihê yê Ûkraynayê bombebaran kir. Di encamê de 6 kes hatin kuştin û nêzîkî 90 kesên din jî birîndar bûn.
Waliyê herêmê, Oleksandr Hanza ragihand ku ji birîndaran 6 zarok hene û rewşa zarokekî û 20 birîndarên din giran e.
Serokê Ûkraynayê Volodymyr Zelensky anî ziman ku nîv saet piştî êrîşa yekem, drona duyemîn a Rûsyayê dîsa li navenda bazirganiyê xist. Zelensky got, êrîş li dijî tîmên awarte yên ku diçûn cihê bûyerê hat kirin.
Her wiha êrîş bi kiryarekî terorî bi nav kir ku bang li civaka navneteweyî kir ku hesab ji Rûsyayê bê xwestin.
