Berdevka YPJ`ê Rûksen Mihemed da zanîn ku ew dixwazin dîrok, mîrat û nasnameya wan a taybet a wekî hêzeke jinan di nav artêşê de were parastin û wiha got:
Rola jinan di saziya leşkerî ya nû de divê ne tenê sembolîk be; divê ew di astên bilind ên biryardanê de cih bigirin.
Hikûmeta Sûriyê naxwaze hêzeke leşkerî ya çekdar ku tenê ji jinan pêk tê di nav avahiya fermî ya artêşa dewletê de hebin.
Ev xala herî mezin a nakokiyê ye.
Ji ber vê ew wekî alternatîf pêşniyar kiriye ku YPJ tevlî Wezareta Karên Hundir bibe.
Rûksen Mihemed diyar kir ku ev pêşniyara dawî ya Şamê niha ji aliyê wan ve tê nîqaşkirin bê ka pîvan û bingehên wê ji bo yekîneyên wan guncav in an na.
Heta niha di navbera her du aliyan de li ser mijarên din lihevkirin çêbûne, lê mijara YPJ'ê wekî xala her herî nakokî û neçareserkirî li ser maseyê ye.
