Di navbera Amerîka û Îranê de li ser bernameya nukleerî û tengava Hurmizê, nakokî derketin.
Ev yek hêviyên guhertina zimanê şer bi zimanê dan û standinê kêm kir.
Her wiha bi xwe re jî nixê petrolê li ser asta cîhanê dubare bilind kir.
Ji ber ku ev nakokî dibe sedema kêmbûna dabînkirina sotemeniyê û astengkirina rêyên deryayî yên herî girîng.
Bihayê her bermîleke petrola xav a Brent nirxê 104 dolaran derbas kir
Lê belê biha di asta hefteyê de bi windakirina zêdetirî ji sedî 4 daketina xwe didomîne.
Petrola xav a Amerîkayê (WTI) jî di asta 98 dolaran de ye.
Peyamên nakok ên li ser mijarên krîtîk, nezelaliya li ser wê yekê ku alî çi qasî nêzîkî peymanê bûne kûr kir.
Ev tabloya ku bi gefên aloziyên nû re bûye yek, bû sedema guherînên tund ên di bazarên petrolê re.
Ji ber ku veberhêner hewl didin ku texmîn bikin ka dê kengî veguhastina enerjiyê ya di Tengava Hurmizê re asayî bibe.
