Fermandarê Giştî yê Hêzên Sûriya Demokratîk (QSD'ê) Mazlûm Ebdî bi Monîtorê re hevdîtin kir.
Mazlûm Ebdî behsa pêvajoya entegrasiyonê, dan û standinên bi Tirkiyê û pêşeroja Rêveberiya Xwseser kir.
Ebdî mijara entegrekirina hêzên leşkerî û saziyên Rêveberiya Xweser di Hikûmeta Veguhêz a Sûriyê de wiha nirxand:
"Wê Asayîşên ku hejmara wan 15 hezar e, parastina herêmên Kurdan bikin.
Her wiha wê 50 hezar karmendên Rêveberiya Xweser karê xwe berdewam bikin û fonê xwe ji hikûmetê werbigirin."
Mazlûm Ebdî: Wê teybetmendiyên herêmên Kurdan parastî bin
Fermandarê QSD'ê Mazlûm Ebdî got ku pêvajoya entegrasiyonê berdewam e û di heman demê de teybetmendiyên herêmên Kurdan dê werin parastin.
Mazlûm Ebdî, dest nîşan kir ku wê hêzên QSD'ê piştî bidawîbûna pêvajoya entegrasyonê bi dawî bibin.
Mazlûm Ebdî: Ez ê di demên pêş de serdana Tirkiyê bikim
Der barê mijara têkiliyên bi Tirkiyê re, Ebdî got ku ew ê di demên pêş de serdana Tirkiyê bike û dibe ku bi Rêberê PKK'ê Abdullah Ocalan re hevdîtinê bike.
Fermandarê QSD'ê tawanbarên ku dibêjin wan Rojava terk kiriye, red kir û wiha got:
"Berfirehbûna ber bi Reqa û Dêra Zorê ve pêwîstiyeke leşkerî ji bo şerê çeteyên DAIŞ'ê û parastina deverên Kurdî bû."
Mazlûm Ebdî: Agahiyên Donald Trump nerast in
Der barê daxuyaniyên Serokê Amerîkayê Donald Trump ên der barê Kurdan de, Ebdî diyar kir ku Trump agahiyên şaş wergirtine û pênaseya QSDê weke "çete" red kir û got:
"Piştgiriya Amerîkayê tenê ji bo şerê li dijî DAIŞ'ê bû."
Fermandarê QSD'ê Mazlûm Ebdî da zanîn ku dergehê sînorî yên di navbera Qamişlo û Tirkiyê de, wê di demeke nêz de were vekirin.
