Li eyaleta Rojavayê Bengalê ya Hindistanê karesatek qewimî. Li gorî zanyariyên ku ji aliyê polîsan ve hatine ragihandin, li bajarê Kolkata derdora saet 01:45'an de li otêleke li navenda bajêr agir derket. Otêla ku agir girtiye, pir nêzîkî navenda Saziya Agirkujiyê ya herêmê ye.
Piştî agahdarkirinê, 5 wesayîtên agirkujiyê, polîs û tîmên birêvebirina karesatan şandin cihê bûyerê. Ji ber ku dûmaneke pir giran avahî girtibû, xebatkarên agirkujiyê di gihîştina kesên li qatên jorîn de rûbirûyî zehmetiyên mezin bûn. Tevî hemû astengiyan jî agir hat kontrolkirin û kesên birîndar rakirin nexweşxaneyê.
Rayedaran diyar kir ku lêkolînên li ser sedema derketina agir berdewam dikin. Li Hindistanê ji ber kêmasiyên pergalên elektrîkê, teqîna lûleyên gazê û guhnedana rênmayiyên ewlehiyê, bûyerên wiha yên şewatê pir caran diqewimin. Beriya vê bûyerê bi du rojan jî, li herêma Tarapith a heman eyaletê di şewateke din a otêlekê de 7 kesan jiyana xwe ji dest dabûn.
