Rayedarên Ûkraynayê ragihandin ku Rûsyayê bi şev êrîşeke berfireh a esmanî bi fuzeyên balîstîk û dronên (HADA) biriye ser bajarê Kîevê û her herêmên derdorê.
Di encama vê êrîşê de li derveyî bajêr 14 kesan jiyana xwe ji dest dan û 27 kesên din jî birîndar bûn.
Li nava navenda Kîevê bixwe jî jinekê jiyana xwe ji dest da û 12 kesên din birîndar bûn.
Şaredarê Kîevê Vitaliy Klitschko diyar kir ku ji ber bombebarana Rûsyayê li gelek deverên bajêr agir bi xaniyan ketiye û avahiyekî embarê hilweşiyaye.
Hat ragihandin ku tîmên rizgarkirinê du kes ji bin kavilan derxistine û xebatên lêgerînê berdewam dikin.
Li aliyê din, Wezareta Parastinê ya Rûsyayê piştrast kir ku wan bi çekên pêşketî û drona êrîşî navendên lojîstîk û belavkirina çekan a Kîevê kiriye.
Rûsyayê her weha îdîa kir ku li başûrê Odessa 3 keştiyên kargoyê yên ku çek û alavên leşkerî ji bo artêşa Ûkraynayê hildigirtin, kirine armanc.
