Di demên dawî de li Başûrê Kurdistanê gelek kes tên girtin û binçavkirin.
Berdevkê polîsan yê Dihokê Hêmin Silêman di daxuyaniyeke çapemeniyê de ragihand ku di operasyoneke ya derengî şevê de li gel hêzên polîsan û polîsên sûc, 20 kes ji avahiyên Dihokê di dema lîstina qumerê de hatine binçavkirin.
Hêmin Silêman destnîşan kir ku di meha borî de li bajarokê Sêmêlê 22 kesên din jî li ser heman dosyayê hatibûn binçavkirin.
Her wiha Silêman agahî da ku ew kesên ku di maça fûtbolê ya di navbera her du tîmên Dihok û Zaxoyê de alozî çêkirine jî hatine girtin.
Kampanya ji bo dîtin û girtina hemû kesên ku tevlî aloziyan bûne û li ser torên civakî heqaret li wan hatiye kirin, berdewam dike.
Berdevkê polîsan got ku heta niha pênc kes hatine girtin, di nav wan de kesên ku li ser medyaya civakî gotinên ne guncaw bikar anîne jî hene.
Ji ber van bûyeran maça Dihok û Zaxo şeva borî li dijî Zaxo FC tevgerên ne werzişî nîşan dan, Zaxo FC peymana xwe ya bi Dihokê re betal kir.
