Şêniyên li gundê Arzoxlî yê navçeya Sûrê ya Amedê li dijî Santrala Enerjiya Rojê rabûn, gotin ku ji xeynî berxwedanê tu rêyeke wan a din tune ye.
Piştî ji bo projeya Santrala Enerjiyê ya Rojê ya Zenkar 2 rapora erênî ya ÇED'ê hat dayîn, xebatkarên şîrketê bi cendirmeyan û polîsan re duh hatin gund û Tevî pêvajoya hiqûqî didome jî, şîrketê hewl da têkeve herêmê.
Şêniyên gund li dijî vê meşek li dar xistin û gotin ew ê nehêlin qadên wan ên jiyanê bên tunekirin.
Şêniyên gund destnîşan kirin ku dê heta dawiyê li dijî projeyê rabin û gotin ku bi vî awayî tê xwestin ku dîroka wan, çandinî û sewalvaniya wan bê tunekirin.
