"Goristana Şehîd Binevş" a ku li gundê Basret a Çiyayê Gabarê (Şirnex) cih digire, ji aliyê leşkeran ve hate xerakirin. Li gorî dîmenên ku ji herêmê hatine bidestxistin, hat dîtin ku gelek kêlikên goran ji aliyê leşkeran ve hatine şikandin.
Dîroka Goristanê û Êrîşên Berê
Ev goristan di navbera salên 2010 û 2014'an de hatibû avakirin û cenazeyên gelek endamên PKK'ê yên ku di pevçûnan de jiyana xwe ji dest dabûn li vir hatibûn veşartin.
Goristan ne cara yekem e ku dibe armanca êrîşan; berê di sala 2015'an de jî hem ji hewayê û hem ji bejahiyê ve hatibû bombekirin.
Piştî belavbûna nûçeya êrîşê, malbatên şehîdan û welatiyên ku bi bûyerê hesiyan, nerazîbûneke tund nîşanî vê kiryarê dan.
