Wezîrê Navxweyî yê Cezayîrê Seîd Seyûd ragihand ku li herêmên rojhilatê welat ji ber şewatê 12 kesan jiyana xwe ji dest daye. Li gorî zanyariyan, 5 kesan li Cîcel, 4 kesan li Bicaye û 3 kesan jî li Tîzî Wezu jiyana xwe ji dest daye. Seyûd li Nexweşxaneya Sûq El-İstnîn a li Bicayeyê serdana birîndar kir û diyar kir ku rewşa 6 birîndaran giran e.
Hêzên Parastina Sivîl di nava rojekê de 154 şewat li seranserê welat qeyd kirin. Ji van şewatan 36 jê li parêzgeha Bicayeyê derketin û 18 jê hatin kontrolkirin. Li gorî daxuyaniya wezîr, xebatên vemirandinê li 18 herêmên Bicayeyê û 12 şaredariyên Cîcelê berdewam dikin.
Li aliyê din, tîmên hawarçûnê şewatên li parêzgehên Skîkda, El-Tarf, El-Buwêra, Tîzî Wezu û Tebesayê bi temamî vemirandin. Ji ber nêzîkbûna agir ji navendên niştecihbûnê, rayedaran bi dehan mal vala kirin. Ev karesat di demekê de rû dide ku Cezayîr û welatên Bakurê Afrîkayê di bin bandora pêleke germê ya awarte de ne.
