Baranên gur ên ku di dawiya hefteyê de dest pê kirin, deverên Bright Angel Canyon û Phantom Ranch ên li Parka Neteweyî ya Grand Canyon rûbirûyê lehiyên ji nişka ve kirin. Rêveberiya Parkê ragihand ku lehiyê ziyaneke mezin gihandiye binesaziya herêmê û xeta yekane ya lûleya avê ya ku xizmeta herêmê dikir teqiyaye, ji ber vê yekê qedexe li ser bikaranîna avê û pêxistina agir hatine danîn.
Tîmên rizgarkirinê bi hevkariya rayedarên parêzgeha Arizona heya niha 62 kes ji herêmê derxistine û rizgar kirine. Lê belê, Saziya Meteorolojiyê ya Neteweyî hişyariyê dide ku ewrên reş û nizm herêm gırtine û metirsiya birûsk û baranên hîn dijwartir heye, ku ev yek karê lêgerîna li pey 15 kesên winda zehmettir dike.
Dîmenên ku ji aliyê geştiyaran ve hatine girtin nîşan didin ku çemên heriyê û daran di bin piran re derbas dibin. Rayedaran bang li hemû geştyaran kir ku di vê heyama di navbera Tîrmeh û nîveka Îlonê de ku lehiyên bi vî rengîlê zêde dibin, pir baldar bin.
