Çavkaniyeke taybet der barê serdana Fermandarê Feyleqa Qudsê Îsmaîl Qaanî de, agahî dan.
Çavkaniyê ragihand ku Îsmaîl Qaanî duh bi şev bi dizî gihîştiye paytexta Îraqê, Bexdayê û bi aliyên peywendîdar re civiyaye.
Ev serdan di demekê de pêk tê, ku niha li Îraqê hewlên avakirina hikûmeteke nû hene û gotegotên der barê beşdarbûna komên çekdar de û tevlîbûna wan di nava saziyên dewletê de tên nîqaşkirin.
Hêjayî gotinê ye ku Qaanî beriya ku Elî Zeydî bibe namzetê serokwezîrtiya Îraqê jî, serdana Îraqê kiribû.
