Hat ragihandin ku civîna li Hewlêrê ku Tom Barrack , Mazlum Ebdî, Îlham Ehmed û Mesud Barzanî tevlî bûn, bi dawî bûye û dê têkildarî naverokê daxuyanî were dayîn.
Têkildarî aloziya li Suriyeyê, îro li bajarê Hewlêrê yê Başûrê Kurdistanê di navbera Nûnerê Amerîkayê yê Suriyeyê Tom Barrack, Fermandarê Giştî yê QSD’ê Mazlum Ebdî, Hevseroka Daîreya Karûbarên Derve ya Rêveberiya Xweser a Bakur û Rojhilatê Suriyeyê Îlham Ehmed û Serokê Giştî yê PDK’ê Mesud Barzanî de civîn hat çêkirin.
Li gorî çavkaniyan civîn bidawî bûye û çav li rê ye ku têkildarî naverokê daxuyanî were dayîn.
© 2026 – NÛÇE TV Hemû maf parastî ne. Nûçe Rastî ye