Tevlîbûna welatan bi ceza û boykota aborî ya Amerîkî ya li dijî Îranê re berfireh dibe.
Wezîrê Xezîneyê yê Amerîkayê Scott Bessent êvara pêncşemê 3yê îlonê bi nivîsekê li ser platforma Xê ragihand ku Yekîtiya Ewropayê bi fermî tevlî boykota aborî ya li dijî Îranê bûye.
Scott Bessent da zanîn ku Amerîka helwesta zû ya Ewropayê li ser vê mijarê teqdîr dike.
Bessent lê zêde kir ku Amerîka ligel hevalbendên xwe radiweste da ku piştrast bike ku Îran nikare pergala darayî ya cîhanî bi kar bîne.
Da ku rê li ber Îranê bigire ku bernameya xwe ya nukleerî, bernameyên çekan û hêzên girêdayî xwe fînanse bike.
Wezîrê Xezîneyê yê Amerîkayê rejîma Îranê bi komkujiyê tawanbar kir û eşkere kir ku fişara darayî ya li ser Îranê dê berdewam bike, heya ku hemî kanalên fînansekirinê yên mayî werin qutkirin.
Wezîrê Xezîneyê yê Amerîkayê Scott Bessent daxuyand ku cîhan peyameke zelal ji rejîma Îranê re dişîne û tê de dibêje:
Em ê ranewestin heya ku hemî kanalên fînansekirinê yên mayî werin qutkirin.
Amerîkayê ji bo agahdariya li ser fermandarekî Îranî xelatek pêşkêş kir
Li aliyekî din, Bernameya Xelat ji bo Dadmendiyê ya Wezareta Karên Derve ya Amerîkayê ragihand ku ew xelateke heta 10 milyon dolarî ji bo agahiyan li ser Serokê Operasyonên Sîber ê Fermandariya Elektronîk-Sîber a Supaya Pasdarên Îranê Emîr Yaryab pêşkêş dike.
Rûpela Bernameya Xelat ji bo Dadmendiyê li ser platforma Xê nivîsand ku Emîr Yaryab komên sîber ên xerabkar ên wekî Şehîd Himet û Şehîd Şûşterî birêxistin dike û bi rê ve dibe, da ku binesaziya Amerîkayê armanc bikin.
