Xebatên çaksazkirin û amadekirina Balafirgeha Qamişlo ya Navdewletî gihîştine qonaxa dawî. Piştî rûxandina desthilata Beşar Esed a di dawiya sala 2024'an de, balafirgeh hatibû girtin û tenê balafireke Rûsyayê li wir mabû. Lê belê, di çarçoveya lihevkirina di navbera Hikûmeta Sûriyê û Hêzên Sûriyeya Demokratîk (QSD) de ji bo yekkirina saziyan, Desteya Giştî ya Balafirgehên Sivîl û Veguhestina Hewayî di Sibata borî de balafirgeh wergirt.
Civînên Teknîkî û Amadekarî
Endamê Perlemantoya Sûriyê yê li Qamişlo Kîm Ibrahîm ji Nûçe TV re diyar kir ku ji bo vekirina balafirgehê civîneke girîng bi Komîteya Veguhestinê û Alîkarê Serokê Desteya Giştî ya Balafirgehên Sivîl Samih Erabî re pêk hatiye. Ibrahîm destnîşan kir ku balafirgeh ji aliyê binesaziyê û alavên teknîkî ve bi temamî ameye ye û piştî tedbîrên ewlehiyê yên dawî dê deriyên xwe veke. Cîgirê serok Samih Erabî jî beriya naha ragihandibû ku binesazî û pergalên balafirgehê %99 temam bûne.
