Amedsporê di daxuyaniyekê de avakirina Akademiya Voleybolê ya Jinan a Amedsporê ragihand.
Akademi dê bi armanca beşdarbûna di pêşxistina werzîşvanên ciwan ên şaxa Voleybolê de, perwerdekirina werzîşvanan li ser asta bingehîn û avakirina binesaziya Voleybola Jinan a Amedsporê bixebite.
Akademi dê bernameyên perwerdeyê ji bo werzîşvanên ku di salên 2011, 2012, 2013 û 2014'an de ji dayik bûne, pêk bîne.
Hat destnîşankirin ku ji bo nirxandina werzişvanan dê ceribandin bên lidarxistin û hat gotin ku Hûrgiliyên derbarê dîrok, dem, cih û pêvajoya serlêdana ceribandinan de dê cuda werin parvekirin.
