کەشناسیی هەرێمی کوردستان پێشبینیدەکات، ئەمڕۆ و سبەی لە هەندێک ناوچە باران بە شێوەی لێزمەبارانی بەهاری ببارێت.
بەگوێرەی پێشبینییەکانی کەشناسیی، ئەمڕۆ ئاسمان نیمچە هەور و هەندێ کات هەوری تەواو دەبێت، ئەگەری بارانی بەهاری لە کاتەکانی دوای نیوەڕۆ هەیە، لە هەندێ ناوچەش باران بە شێوەی لێزمەبارانی بەهاری دەبارێت.
دەربارەی کەشی سبەی کەشناسیی دەڵێت، ئاسمان هەوری تەواو دەبێت و ئەگەری بارانبارین هەیە و لە هەندێک ناوچەی نزیک زنجیرە شاخەکان وناوچە بەرزەکان ئەگەری دروست بوون و چڕبونەوەی هەور و دابارین هەیە.