وتەبێژی کۆشکی سپی ڕایگەیاند: سبەینێ شاندی ئەمەریکا بۆ دانوستان دەچنە پاکستان بە مەبەستى ئەنجامدانى گەڕێکى دیکەى دانوستان لەگەڵ ئێران و هەروەها گفتوگۆکانیش ڕاستەوخۆ دەبن.
کارۆلین لیڤیت وتەبێژی کۆشکی سپی ئەمریکا بە فۆکس نیوزی ڕاگەیاند: سبەینێ هەریەک لە ستیڤ ویتکۆف و جارید کۆشنەر بەڕێدەوکەن بۆ پاکستان بە مەبەستی بەڕێوەچوونی گەڕێکی دیکەی دانوستانەکانی نێوان وڵاتەکەمان و ئێران.
ئاماژەی بەوەشکردووە: تا ئێستا بەشدارییکردنی جەی دی ڤانس لە کۆبونەوەکەدا ڕوون نیە و ئەگەر پێویست بکات ئەویش بەشداریی دەکات.
گوتوشیەتى: ئێران داوای کۆبوونەوەی ڕاستەوخۆی کردوە، بۆیە دانیشتنەکانی ئەم گەڕەی دانوستان و گفتوگۆکان ڕاستەوخۆ دەبن، هیوادارین بگەینە ڕێککەوتن.