وەزارەتی دەرەوەی پاکستان ڕایگەیاند، عەباس عێراقچی، پەیوەندییەکی تەلەفۆنی لەگەڵ ئیسحاق دار، وەزیری دەرەوەی پاکستان ئەنجام داوە و تاوتوێی گۆڕانکارییەکانی ناوچەکە و دانوستانەکانی نێوان ئێران و ئەمریکایان کردووە.
وەزارەتی دەرەوەی پاکستان لە ڕاگەیەنراوێکدا دەڵێت، ئەمڕۆ 24ـی نیسانی 2026، عەباس عێراقچی، وەزیری دەرەوەی ئێران بە تەلەفۆن لەگەڵ ئیسحاق دار، وەزیری دەرەوەی پاکستان تاوتوێی ئاگربەست، گۆڕانکارییەکانی ناوچەکە و هەوڵە دیپلۆماسییەکانی پاکستان بۆ ئەنجامدانی گەڕی دووەمی دانوستانەکانی نێوان ئێران و ئەمریکایان کردووە.
لە ڕاگەیەنراوەکەدا هاتووە، ئیسحاق دار، جەختی لەسەر بەردەوامی دانوستانەکان و خێراکردنی گفتوگۆکان لەپێناو بەدیهێنانی ئاشتی و ئاسایش لە ناوچەکەدا کردووەتەوە.
هاوکات، وەزارەتی دەرەوەی ئێرانیش ڕایگەیاندووە، هەردوولا جەختییان لەسەر بەردەوامی هەوڵەکان بۆ بەردەوامی گفتوگۆکان کردووەتەوە.