وەزارەتی خوێندنی باڵا و توێژینەوەی زانستیی هەرێمی کوردستان ڕایگەیاند، بۆ بەرزکردنەوەی ئاستی زانکۆکان و پاراستنی دەستپاکی زانستی، ڕێکاری نوێی ئاکاری ئەکادیمی لە سەرجەم زانکۆ و دامەزراوە زانستییەکاندا دەخاتە بواری جێبەجێکردنەوە.
بەپێی ڕاگەیەنراوی وەزارەتەکە، ئەم هەنگاوە بە مەبەستی بەرەنگاربوونەوەی گەندەڵی لە بواری توێژینەوەدا و دارشتنی ڕێسایەکی گشتگیر بۆ دیاریکردنی سنووری ڕەفتاری زانستیی گونجاو گیراوەتە بەر، کە دەبێتە هۆی یەکخستنی پێوەرە زانستییەکان لە سەرجەم ناوەندەکانی خوێندنی باڵادا.