تۆرکی مالیکی، گوتەبێژی هاوپەیمانیی عەرەبی بۆ پشتگیریکردنی حکومەتی ڕەوا و دانیپێدانراوی یەمەن، ڕایگەیاند کە هێزەکانی هاوپەیمانان توانیویانە دوو مووشەکی بالیستیی حوسییەکان کە بەرەو شاری ڕیاز ئاراستە کرابوون، لە ئاسماندا بگرنەوە و تێکیان بشکێنن.
گوتەبێژی هاوپەیمانییەکە ئاماژەی بەوەش دا که لە هێرشێکی هاوشێوەدا، دوو مووشەکی تریش کە ناوچەی خمیس مشایتیان لە عەرەبستانی سەعوودی کردبووە ئامانج، خرانە خوارەوە و ڕووبەڕوویان بوونەوە.