کۆشکى سەرۆکایەتى ڕوسیا- کریملین بڵاویکردەوە، بە دەستپێشخەری لایەنی تورکیا، پەیوەندییەکی تەلەفۆنی لەنێوان ڤلادیمیر پوتین، ڕەجەب تەیب ئەردۆغان ئەنجامدرا و تێیدا گفتوگۆ لەبارەى چەند پرسێک کرا.
ئاماژە بەوەکراوە، هەردوولا سەبارەت بە پەرەسەندنی ململانێی سەربازی و سیاسیەکان لە ناوچەکەدا گفتوگۆیان کرد و ڕایانگەیاند: کاریگەرى چالاکییە سەربازییەکان لەسەر جیهان، لە بواری وزە و بازرگانی و لۆجستیشەوە زیاتربووە و لێکەوتەى نەرێنى هەبووە.
دەشڵێن، هەردوولا پێیان وابووە دەبێت سەرۆکى وڵاتانى جیهان هەڵوێستی هاوبەشی خۆیان لەسەر پێویستی ڕاگەیاندنى ئاگربەست خێراتر بکەن بە مەبەستى هێنانە کایەى پرۆسەى ئاشتى .
ئەوەشخراوەتەڕوو، ڤلادیمێر پوتین سوپاسی ڕەجەب تەیب ئەردۆغانی کرد لەبارەى ئاسانکاری بۆ پرۆسەی دانوستان لەبارەى ئۆکرانیاوە هەروەها بوونى هەماهەنگى بۆ دەستەبەرکردنی ئاسایشی هەمەلایەنە لە ناوچەی دەریای ڕەشدا .
باسلەوەشکراوە، هەردوولا گفتوگۆیان لەبارەى ڕێگاکانی فراوانکردنی پەیوەندییە سیاسی و بازرگانی و ئابوورییەکانی نێوانیان کردەوە.