سێ گۆڕی بە کۆمەڵ لە موسڵ دۆزرایەوە کە مێژووەکەی بۆ 10 ساڵ پێش ئێستا دەگەڕێتەوە.
عەبدولقادر ئەلدەخیل، پارێزگاری نەینەوا لە ڕاگەیەنراوێکدا دەڵێت، ئەمڕۆ 16ـی نیسانی 2026، سەرپەرشتی کردنەوەی یەکێک لە سێ گۆڕی بە کۆمەڵ لە ڕۆژئاوای موسڵ دەکات، قوربانییانی ئەم گۆڕانە بەدەستی داعش کوژراون کە ژن و منداڵیشیان تێدایە.
ئاماژەی بەوەشکردووە، مێژووی لەسێدارەدانی قوربانییەکان دەگەڕێتەوە بۆ ساڵی 2015 کە هەموو چین و توێژەکانی کۆمەڵگەی کردووەتە ئامانج، دەشڵێت، هەوڵەکان بەردەوامن بۆ کردنەوەی گۆڕە بەکۆمەڵەکان و خێراکردنی ناسینەوەی قوربانییەکان، دواتریش مەراسیمێکیان بۆ ساز دەکڕیت.